Anak:
Tanong ng isang bata: "Nasaan na si ama?
Iilang umaga na na hinahanap siya?"
Natututo na ako magsalita at maglaro
May nagawa ba ako kaya't iniwan tayo?
Ina:
Wala kang kasalanan at 'di tayo iniwan
Siya'y nasa mamamayan at tayo ay babalikan
kung ba't doon siya nagpunta ay matuto sa masa
at maglunsad ng digma para sa inang laya
Ama:
Nangungulilang puso sa sinta't anak ko
nananabik na ako na mayakap kayo
sa aking pagbabalik sa aking munting bayan
dala ay mga aral ng mapagpalayang mamamayan
Anak huwag kang magsawa na matuto sa mamamayan
At iyong pagaralan rebolusyon at lipunan
'Di ko man matamasa halik ng inang laya
Ang hiling ko na sana maihiga kayo sa duyan niya
-Orville "chubby" Basas
